موت غيابك سوالف!!

عدد الرسائل : 25 تاريخ التسجيل : 17/01/2008

تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صدق اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت
علي الدنيا / خنت

تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
مات
فايق في العراق !!

غيبِتِك [ قسمه ونصيب ]
خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!

تدري وش " يقتل " غيابك ؟!
يقتل إحساسي وعمري !
وين رايح عن عيوني ؟
ليه ؟
تو الناس !
بدري !

إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!

وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !

من يحبك ..
وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !

ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !

صرت أبعد من منامي !
وكنت أقرب من ثيابك !!
أختصر باقي كلامي ؟!

حيل يقتلني غيابك

\\

\\

,,,,,,,,

الــــــــــــف شكر الغالية

على الكــــــــــــــــــلام الرائع

ابدعتي كلام في قمة الرقي

تقبلي مروري

عدد الرسائل : 68 تاريخ التسجيل : 17/01/2008

وااااااااااااااو كلممات في قمه الرووعه
يعطيك العافيه ع أختياارك خيتووووو

عدد الرسائل : 25 تاريخ التسجيل : 17/01/2008

باربي البدر كتب:: الــــــــــــف شكر الغالية

على الكــــــــــــــــــلام الرائع

ابدعتي كلام في قمة الرقي

تقبلي مروري

يسلمووووو

يعطيك العااافيه عالمرور

عدد الرسائل : 25 تاريخ التسجيل : 17/01/2008

قطوه آل تونه كتب:: وااااااااااااااو كلممات في قمه الرووعه
يعطيك العافيه ع أختياارك خيتووووو

يسلموووووووووووو

عالمرور

عدد الرسائل : 56 تاريخ التسجيل : 18/01/2008

رائع مااقتطفتيه من حديقت ابداعك
ويسعدنا ان نرى المزيد

كل الشكر
ننتظر جديدك المميز

[quote="vanessa hudgens"]تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!

عدد الرسائل : 25 تاريخ التسجيل : 17/01/2008

شاااااااااعرة البدر

يسلموووووووووووو عالمرور حبيبتي

منوره صفحتي

اختك:
vanessa hudgens
Baby_v
عاااااااااااااااااااااااااااااااااااااشقاااااااااااااات ناااااااااااااااااايف

عدد الرسائل : 25 تاريخ التسجيل : 17/01/2008

مجرد احســـــــــاس

يسلموووووووووو يعطيك العافيه عالمرور

اختك:
vanessa hudgens
Baby_v
عااااااااااااااااااااااااااشـــــــــــــــــــــقات ناااااااااااااايف

يسلمووووياقمرعالكلام

والله خطيرررر ومعبر

والله يعطيكي الف عافيه

ويشرفني ارد على موضوعك

انتظرجديك وتقبلي مروري

كلام في قمه الرووووعهـ
ننتظر بوح قلمك
تقبلي مروري : مجنونه الماجد